Xroniki Bronxit nədir? Nə üçün tanımaq vacibdir.

Xroniki bronxit, ağciyərlərə hava daşıyan bronxların uzun müddətli iltihabıdır. Bu vəziyyət

azı 3 ay davam edən və 2 il təkrarlayan balğamlı öskürəklə xarakterizə olunur. Xəstələrin

əksəriyyətində əsas səbəb siqaret çəkmədir. Bu xəstəlik, AXOX (Xronik Obstrüktif Ağciyər

Xəstəliyi) adlanan ciddi bir ağciyər xəstəliyinin əsas alt növlərindən biridir.

Əlamətləri nələrdir?

-Davamlı balğamlı öskürək (azı 3 ay, 2 il təkrarlanır)

-Nəfəs darlığı

-Sinə sıxılması və ya diskomfort

-Tez yorulma

Diaqnoz necə qoyulur?

Rentgen – Ağciyərdə sətəlcəm və ya digər problemləri ayırd etmək üçün.

Spirometriya – Dərin nəfəs alıb cihazla üfürmə testi. Bu test bronxitlə astma kimi xəstəlikləri

ayırd etməyə kömək edir.

Müalicə yolları

1. İnhalyatorlar (dərman spreyləri): Nəfəs yollarını açan və iltihabı azaldan inhalerlər.

2. Tabletlər : Əlamətlər ağırlaşdıqda bəzi tablet müalicələrindən istifadə olunur.

3. Oksigen terapiyası: Xəstəlik irəlilədikdə lazım ola bilər.

4. Pulmonar reabilitasiya: Doğru nəfəs almanı və fiziki aktivliyi öyrədən xüsusi

proqramlar.

Siz özünüz nə edə bilərsiniz?

Siqareti tərgidin: Bu, edəcəyiniz ən vacib addımdır.

Qıcıqlandırıcılardan uzaq durun: Duman, toz və hava çirkliliyindən qorunun.

Vaksin olun: Grip, pnevmoniya və COVID-19 peyvəndləri alevlənmələrin qarşısını alır.

Sağlam həyat tərzi seçin: Sağlam qidalanma və gündəlik aktivlik ağciyər funksiyanızı

qoruyar.

Nə vaxt həkimə müraciət etməli?

Təcili yardım çağırın, əgər:

-Dincələrkən belə nəfəs ala bilmirsinizsə

-Qanlı bəlğəm öskürürsünüzsə

-Sinədə şiddətli ağrı, tərləmə, bayılma varsa

-Nəbz çox sürətli və ya nizamsızdırsa

Həkiminizə zəng edin, əgər:

-Yüksək hərarətiniz və ya titrəməniz varsa

-Nəfəs darlığı və halsızlığınız artırsa

-Öskürək və bəlğəm pisləşirsə

Nəticə

Xroniki bronxit ciddi, lakin idarə oluna bilən bir xəstəlikdir. Erkən diaqnoz, doğru müalicə

və siqaretsiz həyat sizi ağırlaşmalardan qoruyar. Əlamətləriniz varsa, pulmonoloqa

müraciət etməyi gecikdirməyin.